Tricycle drayber gintiro samtang nagapahuway

Dead on arrival ang tricycle drayber matapos luthangon sang walanakilal-an nga suspek alas 12:10 sang nagligad ng ahapon samtang nagapahuway sa terminal sang Habal-habal, Provincial road, Barangay Polonuling, Tupi, South Cotabato.
Ginkilalani Police Chief Inspector Bernie Faldas, Hepe sang Tupi MPS ang biktima kay Ting Talib Diamalo, 48anyos, may asawa, tricycle driver kag residente sang Purok 8 sa nasambit nga Barangay.
Suno sa ila sini pagpangusisa, bag-o pa nagluntad ang insidente, nagapahuway suno pa ang biktima sa sulod sang iya Kawasaki Barako nga tricycle, nagaduag sang blue, may plaka MY 3465, sang hinali na lang nga may nagpalapit sa iya nahamtangan nga nakasuksuk sang bonnet kag sunglass kag ginluthang sang pipila ka beses gamit ang ginaaligar calibre 45.
Matapos ang insidente, dali-dali nga nagpalayo ang suspek sa crime scene kag nagpadulong sa nagahulat nga Honda XRM nga motor upod ang walanakilal-an nga driver nga nagsilbi look out sadiin 20 metros ang kalayuon sa nahamtangan sang biktima.
Narekober naman sa gintabuan sang krimen ang tricycle sang biktima kag apat kabasiyo sang calibre 45 nga ginpaidalom naman sa ballistic examination sang SOCO South Cotabato.
Kaangot sini ginpahayag ni Faldas padayon pa ang ginahimo nga imbestigasyon sa insidente matapos nga blangko pa sila nga kilalahon ang suspek kag kun ano ang motibo sa pagpangluthang.
Madumduman nga sang nagligad lang nga semana patay man sa riding in tandem criminal si SPO4 Benedicto Gonzaga nga na destino sa Tupi MPS