Dead on the spot ang tricycle drayber makaligad nga luthangon sang riding in tandem criminal alas 4:00 kaina sang hapon sa dalan nga sakop sang Solis Subdivision, Purok Pag-ibig, Barangay Zone 3, syudad sang Koronadal.
Ginkilala ang biktima kay Benny Cardona, 31anyos, soltero, residente sang Purok Guadalope, Barangay Carpenter Hill, Syudad sang Koronadal.
Suno sa testigo sa krimen, tama-tama suno pa nga nagpundo ang tricycle sang biktima sang hinali na lang nga gindikitan sang duha ka suspek sakay sa wala nahibaluan nga motorsiklo kag gilayon nga ginluthang ang biktima.
Matapos ang insidente, gilayon suno pa nga nagpalagyo ang suspek samtang ginbawian naman sang kabuhi ang biktima bangud sa naangkon nga pilas sa iban nga parte sang iya lawas.
Dugang pa nga pamahayag sang testigo, nakatabon suno pa ang nawong sang suspek nga nagtiro sa biktima samtang naka sunglass naman ang driver sang motor.
Suno naman sa Purok Presidente sang Megaland Subdivision, Barangay Carpenter Hill sa nasambit nga syudad, dati suno pa nga naga-istar ang bitkima sa ila lugar bag-o nagsaylo sa Purok Guadalope sa nasambit nga Barangay, mabuot suno pa ang biktima kag wala sang nakita nga kaaway bilang tricycle drayber.
