Davao City – Sikop sa kapolisan sa Talomo ang usa ka tricycle driver nga si Calixto Briang Escoto human nga nakuhaan og pinaugang dahon sa marijuana sa may Bangkal ning siyudad sa Davao.
Subay sa record sa Talomo PNP, atol sa pagronda sa mga kapolisan bandang alas-12:00 sa tungang gabii sa may Kadayawan St. NHA Bangkal nakita nila ang suspek nga gatindog sa usa ka tindahan sa nahisgutan nga lugar.
Sa dihang nakamatikod nga paduol ang mga pulis, dali niyang gilabay ang usa ka pinutos nga papel apan nabantayan kini sa mga nagronda ug nasuta nga pinaugang marijuana ug mga liso ang sulod niini.
Sa maong panghitabo dali nga gi-endorso sa buhatan sa kapulisan sa Talomo ang dinakpan aron mapasakahan kini og tukmang kaso.
RadyoMaN Paul Canono
Facebook Comments
