La Libertad, Negros Oriental – Patay ang tricycle driver nga ginkilala kay Remie Faburada, residente sang Sitio Lamacan, Brgy. Malusay, Guihulngan City matapos ini ang ginluthang sang wala makilal-an nga apat ka mga riding in tandem pasado las 11:30 ang takna sg aga, sa Sitio. Habag, Brgy. Martilo, La Libertad, Negros Oriental.
Suno sa duha ka mga babayi nga pasahero sang biktima sa ginamaneho sini nga tricycle, duha ka motorsiklo ang ginsakyan sang apat nga naka bonnet nga riding in tandem, ang hinali lang nga nagpalapit sa likod nga bahin sang tricycle kag gin tiro sang mga ini ang driver nga naigo naman sa nagkalain-lain nga bahin sang iya lawas, nga gintuna-an naman sang hinali sini nga kamatayon, didto mismo sa nasambit nga lugar.
Gilayon nga nagpalagyo ang mga suspek samtang narecover naman sang mga otoridad ang 18 tanan ka mga basiyo sang 45 caliber pistols, kag isa ka color itom nga holster.
