General Santos City— Patay sa pagpamusil ang usa ka tricycle driver sa may Purok Bagong Silang, Barangay Poblacion, Polomolok.
Biktima giilang si Alimudin Lacman, 19, residenti sa nasangpit nga lugar. Subay sa report sa Polomolok Municipal Police Station, alas 4:00 sa hapon kagahapong adlawa samtang gimanihuan sa biktima ang iyang tricycle dihang kalit lang kining gitaparan sa duha kamga lalaking nakamotoriklo ug gipusil pila ka higayon nga hinungdan sa iyang kamatayon.
Paspas nga misibat ang mga suspek sa wala sayring lugar samtang ang biktima, wala na nadala pa sa ospital gumikan sa mga samad niini nga naangkon sa ulo nga bahin.
Si Alimudin ang pang siyam na nga biktima sa pagpamusil sa Polomolok sa bulan lang sa Octobre.sa karon padayon ang gihimong imbistigasyon kalabutan sa insidenti ug ginasuta pa ang motibo sa krimen.
