Davao City- Nakabaton og mga samad sa nagkadaiyang parte sa kalawasan ang tricycle driver nga si Johnville Albolaryo, 22 anyos residente sa Phase 2 SIR New Matina, Davao City, human dunggaba sa iyang duha ka pasahero alas 2:30 sa kadlawon.
Sa spot report sa Talomo PNP, gisakyan ang biktima og duha ka pasaherong lalake ug pag abot sa Malambuon Ecoland kalit lamang mibunot ang mga suspek og kutsilyo dayong dunggab sa biktima.
Swerte pa nga nakalukso ug midagan ang biktima palayo dungan ang pagpangayog tabang ug gidala kini sa Central 911 ambulance sa Southern Philippines Medical Center.
Kapulisan naningkamot karon nga makakuhag cctv footage sa nahitaboan sa krimen aron makatabang sa pag ila sa mga suspek nga nakasibat human sa panghitabo.
Kasamang Erin Lumosbog
