Tricycle driver kag construction worker dakop sa buybust operation sang Jaro PNP

Dakop sa buybust operation alas 12:30 kaina sang kaagahon sa Barangay Desamparados, Jaro ang isa ka construction worker kag tricycle driver.
Nakuhaan sang 3 tanan ka sachet sang illegal nga droga sa balor nga 1,100 pesos.
Ini sila ang gin kilala sa kanday Joegin Tabuyoc alyas Dodin, 34 anyos tricycle driver kag Marino Guirjen alyas Onse, 55 anyos kag isa ka construction worker.
Ang mga nagkaladakpan ang residente sang Barangay Desamparados, Jaro.
Suno sa imbestigador sang Jaro PNP nga si Tabuyoc ang madugay na nga ila na monitor nga nagabaligya sang illegal nga droga.
Preso karun sa lock up cell sang Jaro PNP ang duha kag natalana pasakaan sang kaso.

Facebook Comments