Tricycle driver nga nanumbag og pasahero padayon nga gipangita

Pagadian City, Zamboanga del Sur– Nagbalon pa og bun-og sa iyang nawong ang usa ka 22 anyos nga ulitawo dihang nagpalaban sa buhatan sa kapulisan ning syudad sa Pagadian human gisumbag sa wala mailing tricycle driver alas 8 kagabii.
Giila ang biktima nga si Mark Eugene Fernandez Dolorican, lumulupyo sa Purok 2, Brgy. La Victoria, Aurora, Zambonga del Sur.
Base sa say-say sa biktima, nisakay siya sa tricycle nga nagtangag sa Cab number 1411 paingon sa Purok Mahayahay Brgy. Dao ning dakbayan apan gipangayuan siya sa driver sa pamasahe nga mokantindad sa P50.00.
Dihang nagdumili ang ulitawo paghatag sa maong gisitar nga kantidad kalit lamang gihunong sa driver tricycle og gisuntok ang batan-on.
Nagtoo ang biktima nga lango sa ilimnon nga makahubog ang maong driver.

Padayon nga gipangita sa pagadian city traffic division kauban ang tinugyanan sa city traffic management office ang driver nga nanumbag.

Facebook Comments