General Santos City—patay ang usa ka Tricycle Driver human gikulata ug gibunalan ug gahing butang sa ulo nga bahin samtang natulog sa iyang tricycle may Purok Islam, Barangay South Gensan.
Ang biktima nailhang si Eddie Solmayor, Legal Age, Tricycle Driver, residenti sa samang lugar.
Sa pahayag sa anak sa biktima nga si Ghaga Solmayor nasuta nga ala 1:00 ang takna sa kaadlawon kaganina dihang gipukaw nalang sila sa ilang landlady human nakit-an ang iyang amahan nga nag kadugo na sulod sa iyang tricycle nga nakapark daplin sa dalan sa may Purok Islam partikular na atubangan sa Rose Pharmacy .
Ila nalang nakit-an dayon ang amahan nga nagkadugo ug dunay dakong samad sa iyang ulo nga bahin. Dali nila kining gidala sa Dr. Jorge Royeca Hospital apan alas 4:00 ang takna sa kabuntagon dihang nakabsan sa iyang kinabuhi ang biktima.
Sumala ni Ghaga nga wala na nagauli sa ilang balay ang iyang amahan matag gabie tungod gabie kini nagabyahe sa iyang tricycle. Higayon nga makabati kinig katulgon matulog nalang kini ngadto sa iyang tricycle daplin sa dalan sa Prk. Islam.
Dako ang pag tuo sa pamilya sa biktima nga gitripan sa grupo sa mga “SUKARAP” Ang nasangpit nga biktima.
Sumala pa nga wala may nakalaban ug wala usay atraso ang nahisgutan. Higayon nga kini mahubog igo ra usab kining matulog sa iyang tricycle.
Sa kasamtangan midangop nalang sa buhatan sa Police Station 6 ang pamilya sa biktima alang sa kasulbaran sa kaso sa nahisgutan. padayon pa usab nga ginaimbistigahan ang maong kaso.
