Quezon City – Patay ang 30-anyos na tricycle driver matapos na pagbabarilim sa kahabaan ng General Luis St. Brgy. Novaliches Proper, Novaliches Quezon City.
Dead on the spot sa kanyang minamanehong tricycle ang biktimang si Rommel Solivio, residente ng Brgy. Kapri. Novaliches.
Sa inisyal na imbestigasyon ng Criminal Investigation Detection Unit ng QCPD lumalabas na namamasada si Solivio nang mangyari ang pamamaril.
Ayon sa mga nakasaksi, nakasakay sa isang hindi na-plakahang motorsiklo ang armadong suspek.
Sa pahayag ni Mary Joy asawa ni Solivio, wala siyang alam na nakakaaway ang mister at hindi rin umano ito nasangkot sa iligal na droga.
Inaalam pa ng QCPD kung ano ang motibo sa pagpatay sa isang tricycle driver sa Novaliches QC.
Facebook Comments
