Tricycle Driver sanan kaiban gidakop tungod sa pagpanulis nan pasahero!

Priso na kuman an isa ka driver sanan kakunsabo nija na kaiban human positibo nakilay an sa biktima na tagtulis samtang nagsakay sa tricycle nan mga suspetsado. An mga suspetsado na tagdakop sa mga otoridad sΓ  may alas 4 sa hapon,Agosto3,2018, amu sila si Aljun Custodio,35 sanan si Rustico Menil,25 anyos,mga residente nan P4og 6,brgy. Canlanipa inin syudad.An biktima na mireklamo sa mga otoridad na nakuhaan nan celphone,amo an isa ka 73 anyos na si Prudencia Mero taga brgy. San Juan inin syudad. Sumaya pa sa biktima na samtang sija nagsakay sa tricycle nan mga suspetsado alas dose baynte sa udto gikan sa dayan San Nicolas pasingod unta sa Kaskag ,an suspetsado na si Custodio an mitapad sa ija og nabantayan na lamang nija na tagkuot an ija celphone sa ija bag ,dajon ija ini tag ilog pero aja hinua sija hulgaa na patyon amu na nakuha gajud ini sa suspetsado na si Custodio dajon dali na tagbijaan an biktima .Sa pagreport nan biktima sa theft and robbery section sa kapolisan, mihimo dajon nan pagfollow up an mga otoridad sanan nadakpan sa may P4 sa brgy Canlanipa an duha ka mga susoetsado sanan positibo na inkilay-an sa biktima lakip an tricycle na taggamit sa pagpanulis.Narecover isΓ b an celphone sa biktima.Sa pagkakuman, gikatakda na sang-atan nan kasong pagpanulis an duha ka mga suspetsado.( RadyoMaN Jerson Fuentes)

Facebook Comments