Tricycle driver sikop sa buybust


Polomolok, South Cotabato—sikop sa gilusad nga buybust Operation  sa Operatiba sa Polomolok Municipal Police ang usa ka tricycle driver sa area Prk. Banaba corner Dalhia St., Barangay Poblacion, Polomolok, South Cotabato.


Ang suspek nailhang si Sandy Geca, 38, tricycle driver residenti sa Asucena st., Barangay Poblacion, Polomolok.


Alas 3:30 ang takna sa hapon dihang gipahigayon ang buybust operation ngadto sa lugar kung asa usa ka police nga nakabasi sa Polomolok PNP ang nag pakarong-ingnon nga mupalit ug iligal nga druga batok sa suspek.

Dihang gidawat na niini ang P500.00 nga marked money didto na kini gisikop ug gidala sa presento sa kapulisan.

Nakuha ang  (1) ka sachet sa gituohang shabu apil na ang P500.00 nga Marked money sa posisyon sa nahisgutang suspeksado.


Sumala ni Police Sr., Inspector  Hernan Gabat, Deputy Chief of Police sa Polomolok PNP nga dugay na nilang gipanid-an ang suspek gumikan sa iligal nga aktibidad niini.


Giangkon usab sa suspek nga siya gipailawom na sa Oplan Tokhang niadtong nakalabayng tuig  apan iyang gihimakak nga siya namaligya ug iligal nga druga tungod siya miundang na dihang gimando ni pangulong Rodrigo Duterte ang hugot nga paggukod sa mga lambigit sa druga.


Kasong paglapas sa sec 5 ilawom sa RA 9165 ang gikatakdang ipasang-at nga kaso batok sa suspetsado.



 

Facebook Comments