Davao City- Nasikop sa kapulisan sa Sta. Ana PNP ang usa ka traysikad driver nga nakuhaan og shabu human gilusad ang buy bust operation ubos sa mando ni Station Commander Police Chief Inspector Nolan Raquid alas 11:15 sa gabii, sa Rosemarie St. Brgy. Thomas Monteverde ning dakbayan.
Sa report gikan sa Sta. Ana PNP, ang dinakpan nailhan nga si Melvin Cayundra alyas Budok, 34 anyos ug residente sa Corias Village Brgy. Leon Garcia Agdao ning siyudad.
Sa dihang gikasa ang buy bust operation, usa ka sakop sa kapulisan ang nagtakuban as poseur buyer human gitunol ang buy bust money sa kantidad nga 500.00 ka pesos kambiyo sa usa ka sachet nga shabu.
Narecover sa kapulisan ang unom ka sachet nga gituohan nga shabu apil nakompiska ang buy bust money ug drug paraphernalia.
Ang dinakpan balhug na sa selda sa Sta. Ana PNP ug gihikay na sa kapulisan ang kasong kalapasan sa Republic Act 9165 kun Comprehensive Dangerous Drug Act of 2002.
RadyoMan Don Pulayao
