Pilason ang driver sang tricycle matapos magbunggu-anay sila sang depasahero nga jeep sa Barangay Tacdangan, Cabatuan alas 8 sini lang nga gab-i.
Gilayon nga gindala sa Ramon Tabiana Memorial District Hospital ang biktima nga ginkilala kay Jose Marie Barrios, 32 anyos agud mahatagan sang nagakaigo nga pagbulong matapos makaagum sang banog sa mata, butkon, kag tiil.
Masuwerte naman nga wala ini sang pasahero sang magbunggu-anay sila sang jeep nga ginamaneho ni Roellen John Casabuena, 25 anyos sang Balasan, Iloilo apang gupi ang uluhan sang tricycle kag bumper sang jeep bangud sa nasambit nga insidente.
Sa karon yara na sa custody sang Cabatuan PNP si Casabuena.
Facebook Comments
