Sa interbyu sa DXDC RMN Davao kang Police Lieutenant Colonel Jess Anthony Maghirang, Chief of Police sa Nabunturan Municipal Police Station (MPS), giila niini ang driver sa tricycle nga si Daniel Cariño II, 45 anyos, minyo, diin sakay niini ang lima ka mga estudyante nga pulos residente sa Barangay New Sibonga, Nabunturan, Davao de Oro.
Saysay ni Maghirang nga nahitabo ang insidente sa dihang kalit nga mi-overtake sa tricycle ang usa ka bus nga gimaneho ni Rodel Atamosa, 43 anyos.
“Pag-ovetake (sa bus), accordingly, nikalit pud og hunong ang Bao-bao. Nakita niya nga medyo alanganin na. Kung dili sya mulikay, mabanggaan niya ang likod sa bus. Gikabig niya (ang sakyanan) palayo sa bus. Unfortunately, na-lose control sya. Napadulong sila sa humayan,” saysay ni Maghirang.
Matud sa police official, ilang giisyuhan og Temporary Operator’s Permit (TOP) ang bus driver kalabot sa reckless driving.
Dugang niya, posibleng magbaton og ‘settlement’ ang duha ka kampo ug gipasalig sa bus company nga tabangan ang mga biktima sa ilang medikasyon.
RadyoMaN Kirby Manzon
