![Copy-of-WEBSITE-18-×-10-in-51.jpg](https://i0.wp.com/rmn.ph/wp-content/uploads/2023/07/Copy-of-WEBSITE-18-×-10-in-51.jpg?resize=696%2C387&ssl=1)
Sa interbyu sa DXDC RMN Davao kang Police Lieutenant Colonel Kristopher Sabsal, Chief of Police sa Sta. Cruz Municipal Police Station, iyang gisaysay nga sa dihang nagbiyahe ang mga sakyanan pa-southbound nga direksyon, kalit nga mibuto ang ligid sa kotse (Nissan Duke) nga gimaneho ni Ernan Cole Bergado, hinungdan nga naigo niini ang gisundang tricycle lakip na usab ang usa ka motor.
Tungod sa insidente, nakabsan sa kinabuhi ang sakay sa tricycle nga si Teresita Simon, 57 anyos samtang samaran ang lain pang biktima nga daling gidala sa ospital.
Matud ni Sabsal nga mipasalig ang tag-iya sa kotse nga tabangan ang pamilya ug dili na ipadayon ang kaso batok kaniya.
“Nag-settle man sila. Nagpabayad man ang pamilya,” matud sa police official.
Pahimangno sa kapulisan sa mga motorista nga siguradohong i-check ang kondisyon sa sakyanan ayha mubiyahe aron malikayan ang susamang insidente.
RadyoMaN Kirby Manzon