Davao City – Gideklarang dead on arrival ang usa ka tricycle driver kinsa gipusil sa duha ka mga wala mailhing suspetsado alas-10:00 kagabie nahitabo sa may Nazareth St., Dumanlas, Buhangin, ning syudad sa Davao.
Daling gitabang paingon sa Southern Philippines Medical Center (SPMC) si Gerry John Baulos Galero, 27 anyos, ulitawo, tricycle driver, residente sa maong lugar.
Sa inisyal nga imbestigasyon migula nga naglingkod matud pa sa gawas sa ilang panimalay si Galero apan kalit lamang kining gipusil sa mga suspetsado diin nakahiagom kini og tulo ka samad-pinusilan sa nagkalaing parte niini sa kalawasan.
Narekober sa insidente ang lima ka mga bala, usa ka deformed slug ug .45 nga kalibre sa pistola.
Kasamtangan naglusad na og follow up investigastion ang kapulisan sa Buhangin aron sa pag-ila sa mga suspetsado ingon man sa motibo sa pagpusil-patay sa biktima.
RadyoMaN Joel Viray
