Davao City – Dead on Arrival sa Southern Philippines Medical Center (SPMC) ang driver sa motor gumikan sa mga bali ug bun-og sa kalawasan nga nahiagoman.
Giila ang namatay nga mao si Danny Roselle, 50-anyos, ug residente sa Purok 2 Brgy. Lapu-Lapu, Maco, Compostela Valley Province.
Nasayran nga nawad-an og preno ang wingvan ug misidsid kini sa motor nga gidrayban sa biktima samtang naglawig sa Campo Santos, Marilog district pasado alas-6:00 kagabii.
Gumikan sa kakusog sa impact sa pagsidsid natumba ang motor lakip na ang biktima apan ang problema kay nabunal sa semento sa highway si Roselle resulta sa bali sa mga tiil ug bun-og sa kalawasan.
Paspas nakaresponde ang Medic Team sa Central 911 sa dapit ug gisapupo ang biktima apan way swerte tungod sa dalan pa lang nakabsan na kini sa kinabuhi mao pag-abot sa SPMC igo na lang gideklara nga DOA ang biktima.
Samtang ang driver ug ang helper sa wing van misibat human sa maong panghitabo.
RadyoMaN Joel Viray
