Davao City – Walay labot ang mga payong-payong sa pagregulate sa mga tricycle sa kabarangayan dinhi sa dakyaban sa Davao.
Kini mao ang giklaro ni City Transport and Traffic Management Office (CTTMO) chief Ret. Col. Dionisio Abude subay sa unang adlaw sa pag-arangakada sa registration sa mga trisikad ug motorized tricycle for hire sa Brgy. R. Castillo Agdao.
Gipasabot ni Abude nga makunsidera nga illegal attachment ang mga payong-payong sanglit nakarehistro sila isip ‘single motorcycle’ ug dili de pasaheroang sakyanan.
Sa maong registration, makaklasipika sa upat ang mga trisikad diin kini ang pampasahero, pang merkado, ug cargo adunay bayad nga 1,000 samtang kung personal na gamit aduna lamang kini bayad nga P500.
Dugang sa maong hepe nga prayoridad nila ang adunay mga Motorized Tricycle aoperators Permit (MTOP) diin mamahimo kining dalaon uban sa lisensya ug barangay clearance.
Gikanayon usab ni Abude nga walay pag-usbaw sa singil sa pamasahe human marehistro ang maong mga sakyanan gani kung adunay mangtas nga mga driver mamahimong mosimbong sa opisina sa Motorized Vehicle Regulatory Division (MVRD) nahimutang sa Davao City Overland Transport Terminal (DCOTT).
Nasayran nga 32 ka mga barangay nga adunay mga trisikad ang gikatakdang i-regulate sa CTTMO diin nagsugod kini karong adlawa Abril 4 hangtod Hunyo 19.
RadyoMaN Jason Amisola
