Davao City- Gikumpirma karon ni Senate Majority Leader Vicente Sotto III nga opisyal na nga hukman sa Senado in due time ang ethics complaint ni Sen. Richard Gordon kontra kang Sen. Antonio Trillanes IV sa nahimong aktwasyon sa naulahi sa nilabay’ng mga legislative inquiries.
Sa media interview, gisugilon ni Sotto nga gidawat na nila ang Gordon complaint gumikan nakatuman kini ‘in form and substance’ sa mga rekwisitos aron dawaton ang usaka pormal nga reklamo kalabot sa pamatasan sa usaka magbabalaud samtang nagapahigayon kini sa ilang mga sesyon.
Niadtong nilabay’ng mga sesyon sa Senate Blue Ribbon Committee, ni-ulbo ang kaspa ni Gordon, chairman sa komitiba sa dihang siya gi-akusahan sa Bicolano solon nga nangulo sa gitawag nga ‘kumite de abswelto’ haron alegasyong paboran ang kampo ni Pres. Rodrigo Duterte sa isyung P6.4B China shabu shipment.
Ubos sa mga reglamentos sa kongreso, adunay tulo ka mga posibleng aksyon nga mamahimong itomar ang balay-balauranan: Una, censure or reprimand nga manginahanglan og ‘majority vote, ikaduha ang suspension malagmit 60 diyas nga mag-require sa 2/3 votes sa entero Senado ug ikatulo, expulsion kun ang pagsipa gikan sa iyang lingkuranan sa gi-akusahan nga magbabalaud.
Si Trillanes gihatagan og napulo ka adlaw sa pagtubag sa Gordon complaint ingon man lima ka adlaw haron mopasaka ug petisyon kun mogula na unya ang hukom sa lehislatura.
Niadtong niligad nga semana, mismong si Pres. Duterte nibanat kang Trillanes sa pag-ingon nga aduna kiniy dakung tulubagon sa katilingban nganong nagtenir kini og daghang mga ‘offshore bank accounts’ kuyog sa mga kakontsaba niini sa Amerika, Hong Kong ug Australia.
Kasamang June Duterte
