Davao City- Human sa pila ka oras nga imbestigasyon sa Senate Blue Ribbon Committee, pakyas si Senador Sonny Trillanes sa pag-link kang Vice Mayor Paolo Duterte ug Atty. Mans Carpio sa Davao Group og 6.5 billion shabu shipment sa China.
Mao kini ang obserbasyon ug pagtoo ni Marine Reservist South Cotabato President Dr. Benjie Firmalino nga wala makuha ni Trillanes ang iyang katuyuan nga ma-link sila Pulong ug Mans sa Davao Group ug shabu shipment nga nakalusot sa Bureau of Customs.
Gani mas migula pa hinoon nga na-ulawan si Trillanes sa senado tungod kay bisan pa og gi-apilan na niini sa mga bank accounts wala gayod niya mapuga ug maipit sa kontrobersiya sa BOC ang magbayaw.
Kung aduna kuno’y angay magpresentar og solido nga mga ebidensiya aron pamatud-an ang alegasyon kana mao si Trillanes aron makita sa publiko kung tinood ba gayod nga konektado sa triad ug sa droga sila Pulong ug si Mans.
Busa kung nakab-ot lang ni Trillanes ang iyang tinood nga tumong nga ma-link sa Davao Group ug triad sila Pulong ug Mans, ang direkta nga ma-ulawan mao si Pangulong Duterte kay gi-una man ang ubang tawo nga nalambigit sa droga apan ang kaugalingong anak wala.
Igo lang gitamay ni Marine Reservist South Cotabato President Dr.Benjie Firmalino ang mga ebidensiya nga gihawiran ni Trillanes kay dili lig-on ug huyang kuno aron maduot anak ug ang umagad sa presidente sa seryoso nga alegasyon.
Gibatikos pa ni Dr. Firmalino si Senador Trillanes gumikan sa pagpamugos niini nga makita ang tattoo ni Pulong aron kuno makita kung tinood ba o dili nga sakop sa Triad kinsa anaa kuno sa likod sa drug shipment sa nasud.
Kasamang Joel Viray
