Davao City-Nipirma na karon sa usaka waiver si Sen. Antonio Trillanes IV aron pabuksan ang gi-alegar ni Pres. Rodrigo Duterte nga iyang mga questionable offshore bank accounts sa naha-una.
Sa usaka news conference, gipakita sa senador ang iyang pirmadong waiver uban sa paghagit kang Pres. Duterte nga sundogon usab ang iyang pagpirma.
Giklaro sa senador nga walay kamatuoran ang gi-akusar kaniya nga mga sekretong bank account ug walay susama sa mga bankong gibatbat sa pamuno-nasud sama sa Nova Scotia ug Hongkong.
Gipanaad usab niini nga sa dili madugay, iya nga ikiha ang usaka opisyal sa Presidential Communications Office nga si Mocha Uson ug usaka broadcaster gumikan sa pagbatbat ug mga impormasyon nga atake ngadto sa iyang pagkatawo.
Kasamang June Duterte
