Trillanes: ‘Not guilty!’

67

Davao City – Atubangan sa hukmanan, hugot gibarugan ni Opposition Sen. Antonio ‘Sonny’ Trillanes IV nga dili siya ‘guilty’ sa upat ka mga kasong libel nga gipasang-at ni kanhi Davao City Vice-Mayor Paolo Duterte ug bayaw niini nga si Atty. Manases Carpio, kapikas ni City Mayor Inday Sara Duterte-Carpio.

Ang ‘not guilty’ plea gisang-at sa senador ug arch critic sa Duterte regime atol sa gipahigayong arraignment proceedings sa sala sa Regional Trial Court Branch 54 sa Regional Trial Court (RTC) dinhi sa dakbayan.


Ang mga kaso bunga sa mga alegasyon sa senador nga ang magbayaw nag-extort og kwarta gikan sa ride-hailing services nga buot magnegosyo dinhi sa Davao.

Sa pakighinabi kaniya, gibutyag ni Trillanes nga ‘harrassment’ lamang ang mga kasong gihapak kontra kaniya ug nga kini walay igong kamatuoran.

Nagbahad usab kini ngadto sa batan-ong Duterte ug sa bayaw niini nga gikinahanglan andam usab ang mga naulahi sa mga pagsulay nga mamahimo nilang atubangon.

Sa separate interview kang Atty. Rainier Madrid, abogado ni Duterte ug Carpio, nasayran nga nag-file og ‘petition for review’ kagahapong adlawa, Enero 14 ang grupo ni Trillanes sa Department of Justice (DOJ).

Base sa desisyon sa RTC Branch 54, karong Marso 21, 2019 adunay mahinayon nga mediation diin magtagbo ang duha ka grupo nga adunay partisipasyon sa deliberasyon gani kung dili pa kini mahusay, malagmit muderetso na kini sa trial stage sa korte.

Kaganiha, nitugpa dinhi sa syudad bandang alas-5:40 sa buntag si Trillanes gikan sa kaulohang Manila.

Alas-8:05 kaganiha, nahiabot usab si Trillanes sa hawanan sa RTC Branch 54 ug usab gikatakdang mopauli na karong alas-5:35 ang takna sa kahaponon.

Kahinumdoman nga niadtong niligad nga tuig, ang Sangguniang Panglungsod ning dakbayan nagdeklara kang Trillanes nga ‘persona non grata’ (unwelcome, unacceptable or univited guest) human iyang gi-alegar nga ang hometown sa pamuno-nasud dili luwas uban ang paghulagway niini nga ‘the most dangerous city in the Philippines.’

RadyoMaN Jason Amisola

Facebook Comments

From Advertisers