Davao City – Adunay lig-ong kapanukaran ang korte aron ipadayon ang subling pagdungog kun trial proper sa kasong rebelyon kontra kang opposition Senator Antonio Trillanes IV.
Mao kini ang pamahayag ni Atty. Rainier Madrid, legal counsel ni former Davao City Vice-Mayor Paolo ‘Pulong’ Duterte atol sa interbyu sa DXDC 621 RMN Davao.
“Whether for or against Trillanes, sigurado akong may base ang husgado. Iyong husgado na man po hindi iyan basta-bastang mag-resolve na walang basehan,” matud ni Madrid.
Sa pikas bahin, gisugilon ni Davao law professor Atty. Arnold Abejaron nga gi-deny man tuod sa Court of Appeals (CA) ang Temporary Restraining Order (TRO) petition ni Trillanes, dunggon gihapon karon ang kaso alang sa certiorari or pag-review sa hataas nga hukmanan sa nahimong desisyon sa rebellion case ni Trillanes.
Segun ni Abejaron, mag-agad karon sa mga ebidensyang i-presenta atol sa mahitabong trial proper kung makalingkawas ba si Trillanes sa kasong giatubang niini o dili.
Kahinumduman nga nihangyo ang senador nagdto sa korte alang sa issuance sa usaka TRO o ‘writ of preliminary injunction’ aron pugngan ang pag-bista sa Makati Regional Trial Court (RTC) Branch 150 sa rebellion complaint bunga sa 2007 Manila Peninsula Hotel Siege didto sa Makati City.
Gikatakdang sugdan na unta ang pagdungog sa kaso niadtong adlaw’ng Martes, Marso 19 apan nasibog kini karong Mayo 27 gumikan sa labing ulahing mga katikaran.
RadyoMaN Aimee Guinita
