TRISIKAD DRIVER, GINTIRO SANG TRICYCLE DRIVER SA SINIKWAY, LAPAZ BANGUD SA AGAWAY SANG PASAHERO.

Pilas sa tiyan ang naagum sang trisikad driver sa Barangay Sinikway, Lapaz matapos tiruhon sang tricycle driver.

Padayon nga ginabulong sa West Visayas State University Medical Center ang biktima nga ginkilala kay Alex Sy, 32 anyos sang nasambit nga lugar samtang ang suspek nga tricycle driver ginkilala kay Panoy Chin sang amo man nga lugar.

Suno kay Barangay Kagawad Felix Ventura, una nga nagreklamo sa iya ang biktima nga halos wala sila sang makuha nga pasahero bangud gina-agaw sang mga tricycle nga temprano pa nga nagabiyahe.
Bangud nakainum, ginpanugyanan ni Ventura nga magbalik na lang pagka-aga si Sy para maistoryahan ang iya reklamo.
Apang pagsulod niya sa ila balay, ginpahayag ni Ventura nga nakabati siya sang tatlo ka lupok kag sang iya gin-usisa, nakita niya nga nagahuray-ad na ang biktima kag gilayon nga iya ini ginpadala sa ospital.


Facebook Comments