KABANKALAN CITY, NEGROS OCCIDENTAL – Trisikol drayber patay matapos luthangon sang pila ka beses sang riding in tandem.
Ginkilala ang biktima kay Joel Traiso, 44 anyos sang Barangay Daan Banwa syudad sang Kabankalan.
Natabo ang insidente las 7:30 sang aga, Mayo 5 sa National Highway sang Barangay Binicuil syudad sang Kabankalan.
Sa imbestigasyon sang Kabankalan Police Station, nagamaniho ang biktima sang iya trisikol upod sa iya pasahero nga babayi pakadto sa Barangay Binicuil sang ini ang gin sunod sang mga suspek nga riding in tandem nga nakabonet kag gintiro sang tatlo ka beses nga nag-igo sa lawas sang biktima.
Ginhingagaw pa dala ang biktima sa Lorenzo D. Zayco District Hospital apang gin pronunsyar sang duty physician nga dead on arrival (DOA).
[image: image.png]
