TROPA gikondena ang Tagum shooting incident

59

Davao City – Gikondena sa Tri-Media Organization for Peace and Alliance in Mindanao (TROPA) ang pag ambush kang Pat Lucero ang Davao Del Norte Provincial Information Officer ingun man radio announcer sa Tagum City.

Sumala ni Manny Autida, TROPA president ug kasamtangang station manager sa usa ka FM radio nga naka base sa Tagum City nga ang pag ambush ni Lucero maoy usa sa pamaagi aron dili na mabandilyo ang kamatuoran sa mga isyu nga gituki sa biktima sa iyang radio commentary program.


Gihagit ni Autida ang mga otoridad sa Tagum City nga paspasan ang imbestigasyon aron masayaran si kinsa ang mga responsable ingun man ma establisar ang utok sa pag ambush sa biktimang brodkaster.

Kahinumduman nga riding in tandem ang mipusil kang Lucero samtang pauli na kini sakay sa iyang kotse human sa iyang radio program.

Nag inusarang samad sa likod sa abaga ang nahiaguman sa biktima nga padayon pa karon nga nagpaalim sa Davao Mission Hospital sa Tagum City.

Si Lucero init nga mibakbak sa TADECO tungod sa mga giserhan nga provincial road sa Davao del Norte.

RadyoMaN Erin Lumosbog

Facebook Comments

From Advertisers