Tropa sa 53RD Infantry " Matapat" Battalion nakadawat og pasidungog

32

Zamboanga del Sur – Gipasidungan sa Zamboanga del Sur Provincial Government ang 53rd Infantry “Matapat” Battalion sa malampuson niining operasyon nga niresulta sa pagkakumpiska sa nagkadaiyang matang sa armas gikan sa komunistang New People’s Army nga naglihok sa probinsya.
Ang maong komendasyon gihimo pinasikad sa usa ka resolusyon nga giduso ni Board Member John Regala, ang chairperson sa Committee on Fire, Public Safety, and Peace and Order sa Sangguniang Panlalawigan. Ang maong resolusyon gibase sa nahimong kalampusan sa batalyon sa pakigbisog batok insurhensiya sa probinsya.
Nakarekord ang 53IB og 9 ka engkwentro tali sa NPA gikan Mayo 6 ngadto Hulyo 21 karong tuiga nga nagresulta sa pagkarekuber sa 14 ka mga assorted firearms. Mokabat usab sa 25 ka mga NPA hideouts ang nasulong sa ilang tropa nga kasagaran bunga sa mga impormasyon gikan sa komunidad. Gikalipay usab ni LT COL Jo-Ar Herrera ang commander sa 53rdIB ang maong pasidungog ug giisip nilang inspirasyon sa tibuok “Matapat” troopers.

Facebook Comments