General Santos City—Blangko lamang gihapon hangtod karon ang mga kapulisan og military sa mga responsabli nga maimbush sa mga sakop ni Commander Binago, nga kanhing myembro sa MILF 105th base command nga nahimutang sa Sitio Kadafukan, Barangay Tuanadatu Maitum, Sarangani Province.
Sa nahagpat nga report sa RMN Gensan duha ang nasamdan sa maong insidente. Matud pa sa Maitum Municipal Police Station nga nahitabo ang pag ambush sa may boundary sa Sitio Madaya og Sitio Crossing Pinaso Barangay Tuanadatu, Maitum, Sarangani Province niadtong Sabado sa hapon Setyembre 17, 2017.
Matud pa sa kapulisan nga mukabat sa 15 ka mga armadong kalalakinhan nga sakop matud pa ni Commander Binago ang gipang banhigan sa mga suspek sa maong lugar.
Giila sa otoridad ang mga nasamdan nga silang Amir Silongan og Sadam Silongan. Daku ang pagtuo karon sa kampo ni Kumander Binago nga posibling resbak ngadto sa iyahang grupo ang gihimo sa mga suspek. (Emir Bariquit)
