Naglawig sang lima ka minutos ang engkwentro sa tunga sang 94th Infantry Batallion (IB) kag mas ukon menos sa lima ka miembro sang New People’s Army (NPA) sa Sitio Tigbao, Brgy Carabalan, Himamaylan City, kahapon nga adlaw, Oktubre 6.
Mga las-12:00 sang udto samtang nagapatigayon sang security patrol ang militar sang ila na-engkwenro ang rebelde nga grupo. Matapos ang lima ka minutos nga engkwentro, nag-withdraw ang mga rebelde padulong sa southeast direction. Wala sang napilasan sa tropa sang gobyerno samtang wala naman nahibaluan sa pihak nga bahin.
Na-recover naman sa encounter site ang isa ka US Colt caliber .45 pistol; six (6) live ammunition sang caliber .45; isa ka pares sang rain boots kag civilian cap.
[image: image.png]
Facebook Comments
