Tropical depression nakit-ang mosod sa PH karong Holy Week

25

Ang state weather bureau Philippine Atmospheric Geophysical and Astronomical Services kun PAGASA adunay nakit-an nga tropical depression nga gituohang mosulod sa Philippine area of responsibility karong Holy Week.
Matud sa PAGASA nga ang low pressure area nga ilang namonitor nga naa sa 1,740 kilometers east of Surigao nahimong tropical depression ug gibana-bana nga mosulod sa PAR Lunes sa hapon o Martes sa buntag ug panganlan kini og “Caloy.”
Aduna kini maximum sustained winds nga 55 km per hour ug gustiness hangtud sa 65 km per hour.
Hinuon, matud sa PAGASA nga ang tropical depression walay direct effect sa nasud sa pagkakaron ug imposible nga maglandfall kini.
Dugang sa PAGASA nga ang Eastern ug Central Visayas, Northern Mindanao, ug Caraga region makasinati og pat-ak pat-ak nga pag-ulan ug pagpanugdog-kilat tungod sa tail-end of a cold front.
Ang mga residente aning mga lugara gipahimangnuan batok sa posible nga pagbaha o landslide tungod sa hinay ngadto sa kasarangan ug usahay kusog nga pag-ulan.
Ang northeast monsoon o hanging amihan magdala og hinay ngadto sa kasarangan nga pag-ulan sa Cordillera, Cagayan Valley, Bicol, Metro Manila ug ubang area sa Luzon.

Facebook Comments