CAUAYAN CITY – INARESTO NG MGA AWTORIDAD ANG ISANG TRUCK DRIVER SA BRGY. RIZAL, SANTIAGO CITY NITONG SETYEMBRE 22 MATAPOS MAHULIHAN NG TINATAYANG 8,913 BOARD FEET NG ILEGAL NA KAHOY NA NAGKAKAHALAGA NG MAHIGIT P2.5 MILYON.
KINILALA ANG SUSPEK BILANG SI ALYAS ROMMEL, 42 TAONG GULANG, RESIDENTE NG CABIAO, NUEVA ECIJA.
NASAMSAM SA OPERASYON ANG 222 PIRASO NG KAHOY NA URI NG NARRA, ISANG ISUZU GIGA 12-WHEELER TRUCK, APAT NA PLAKA, AT MGA DOKUMENTO NG SASAKYAN.
AYON SA ULAT, GALING ANG MGA KAHOY SA PARACELIS, MOUNTAIN PROVINCE AT BALAK SANANG DALHIN SA BULACAN AT NUEVA ECIJA.
SAMANTALA, IPINAHAYAG NI PBGEN ROY B. PARENA, REGIONAL DIRECTOR NG PRO2, ANG KANYANG PAPURI SA MATAGUMPAY NA OPERASYON NG CIDG ISABELA, POLICE STATION 2, AT 4TH PLATOON NG SANTIAGO CITY POLICE OFFICE.
HINIKAYAT DIN NIYA ANG KAPULISAN NA IPAGPATULOY ANG MAHIGPIT NA PAGPAPATUPAD NG BATAS KONTRA ILLEGAL LOGGING, PARTIKULAR ANG PD 705.
HINIMOK DIN NI PBGEN PARENA ANG PUBLIKO NA MAKIISA SA KAMPANYA LABAN SA ILEGAL NA PAGPUTOL NG KAHOY SA PAMAMAGITAN NG PAG-UULAT NG KAHINA-HINALANG AKTIBIDAD UPANG MAPANATILI ANG KALIKASAN NG REHIYON.
