Truck driver nadakpan tungod sa droga!

26

Molave, Zamboanga del Sur – Kasong paglapas sa RA 9165 kon Comprehensive Dangerous Drugs Act of 2002 ang gipatubang karon sa truck driver.
Sa gilusad nga drug buy bust operation nadakpan ang suspek didtung dapita sa Purok Sidlak, Ranillo St. Brgy. Maloloy-on, Molave, Zamboanga del Sur alas 3:00 ang takna sa hapon kagahapong adlawa.
Pinaagi sa pwersa sa Molave MPS sa pagpangulo ni Pmaj. Marlon Comia, nagpolseras ug posas ang suspek nga si Jerwin Lobitaňa Repulle, 30 anyos, ulitawo, residente sa Purok centro, Brgy. Dalaon, sakop sa maong lungsod.
Nakumpiska gikan sa posesyon sa dinakpan ang tulo ka pakete sa gituhuang shabu usa ka libo ka pesos nga buy bust money, cellphone ug laing mga drug paraphernalias.
Base sa ulahing impormasyon ang maong dinakpan ang nakakostodya sa Molave Municipal Police Station.

Facebook Comments