Davao City – Nangadamyos ang mga motor lakip na ang Elf truck nga gikargahan niini, human nahulog ang sakyanan sa Barangay Tagpopongan, Babak District, Island Garden City of Samal, Davao Del Norte niadtong Dominggo, June 25, 2023.
Sa interbyu sa DXDC RMN Davao kang Police Staff Sergeant Christian Adlao, desk officer sa Babak Police Station, gisaysay niini nga naalanganin matud pa ang driver tungod sa bakilid nga bahin sa dalan rason sa pagkahulog sa sakyanan.
“Mga motor ‘to nga gikarga sa Elf (truck) nga wala kasaka. Mura’g na-shoot sya sa kanal. Ang ingon sa driver, wala kapasok ang primera,” segun sa pulis.
Sa inisyal nga imbestigasyon, aduna matud pay samdan tungod sa insidente nga gilayon usab nga girespondehan sa Barangay Disaster Risk Reduction and Management Council (BDRRMC).
Giaksyonan usab dayon sa lokal nga panggamhanan ang insidente pinaagi sa paggamit og ekipo aron makuha ang mga sakyanan nga nahulog sa pangpang.
RadyoMaN Kirby Manzon
Facebook Comments
