Davao City – Nakarekober na ang driver sa truck nailang Demy Jaicten Batahoy, 35 anyos, residente sa Purok Durian Brgy Mankilam, Tagum City human nadisgrasya ang gimanehong truck sa Sitio Lanitum,Barangay Suawan,Marilog District ning dakbayan nahitabo kagahapon alas 11:45 sa gabii.
Sa gihimong imbestigasyon sa Marilog Police Station nasayran nga ang V-1 truck nagbiyahe sa Davao Bukidnon National Highway gikan sa Bukidnon paingon sa Davao City nga dunay karga nga mga saging.
Pag-abot sa curve accident prone area sa sitio sa nasampit nga barangay nawad-an kini og brake hinungdan nga wa makontrol sa driver og mibangga sa bungtod og miigo pa sa railings sa kalsada dayon nideritso sa planta ug creek.
Tungod sa impact nakaangkon og minor injuries ang drayber ug nahatagan og first aid sa mga mirespondeng personnel sa Central 911.
Damyos usab ang maong sakyanan ug mga tanum sa planta nga gipanag-iya ni Mr.Vilmar Canoy Fuentes.
RadyoMaN Don Pulayao
Facebook Comments
