Sa interview sa DXDC RMN Davao kang PLtCol. Gomersendo Diwata, Chief of Police sa Compostela Municipal Police Station (MPS), iyahang giila ang biktima nga si Danilo Sayman, hamtong, taga Barangay Baculin, Baganga, Davao Oriental.
Saysay sa pulis nga padulong og Compostela ang truck karga ang kopras sa dihang nag-malfunction ang manubela rason nga nga natumba ang sakyanan. Naipit usab ang duha pa ka kaubang helper sa driver nga gilayon usab nga gidala sa ospital.
“Gikan og Baganga padulong og Compostela ang iyahang ruta unya ato. Pagkaabot sa Kilometer 7 sa Barangay Ngan, ang iyahang steering wheel nag-malfunction. Wala na niya ma-manage,” saysay ni Diwata.
Sa pagkakaron, gipahilona na ang biktima. Subling nagpahimangno ang otoridad nga i-check kanunay ang kondisyon sa sakyanan ayha mubiyahe aron malikayan ang susamang insidente.
RadyoMaN Kirby Manzon
