Sa press statement sa Kalinaw Southern Mindanao Region (SEMR), gikabutyag nga samtang miagi sa lugar ang dump truck nga gisuspetsahang nagkarga og mga kahoy nga iligal nga giputol, gipara kini sa checkpoint sa mga sundalo sa 60th Infantry Battalion (60IB), 1001st Infanty Brigade, Philippine Army, apan inay muhunong, mipaturatoy kini og padagan, rason nga kini nadisgrasya ug miresulta sa kamatayon sa helper sa truck nga nailang so Jay Redondo.
Gipanawagan usab ni Arian Jane Ramos, presidente sa Kalinaw SEMR nga maaksyonan ang mga operasyon sa illegal logging sa mga probinsya sa Davao de Oro. Gani, niadto lamang Pebrero 2024, dunay nahitabong landslide sa Maco, Davao de Oro nga duna usay mining areas diin kini dakong kadaut sa kinaiyahan ug muhatud og risgo sa kinabuhi sa katawhan.
“The adverse effects of these environmentally destructive activities all in the name of profit are catching up on us. Unless our government finds the political will to earnestly crack down on illegal logging, the Masara landslide is sure to be just a preface to a series of other future tragedies,” sulti ni Ramos.
Buot karon sa Kalinaw SEMR nga maimbestigahan ang insidente ug mapanubag ang mga responsable sa maong iligal nga aktibidad.
RadyoMaN Kirby Manzon
