Davao City – Gikustudiya na sa Talomo police station ang drayber sa truck mixer nga gika bangga ang duha ka magtiayon nga sakay sa motorsiklo alas dies pasado sa kabuntagon.
Ang drayber sa mixer mao si Rene Blanco, 45 anyos, nagpuyo sa Jerome Agdao ug trabahante sa Safecon Industries samtang ang mga biktima sila Melanio R Garcia, 76 anyos ug Gloria Garcia, 65 anyos pulos nagpuyo sa Dapsa Catalunan Pequeño.
Gikanayon sa drayber sa mixer nga samtang nagdagan gikan sa South nga bahin pag abot sa traffic light sa Bangkal ug Catalunan Grande National Highway kalit lamang adunay milagapak sa iyang kilid.
Sa dihang iyang gisusi napasok sa ilalom sa mixer si Gloria Garcia rason nga hingkabsan sa kinabuhi on the spot.
Daling gidala sa balay tambalanan si Melanio Garcia samtang gibalhug na sa selda sa Talomo PNP ang drayber nga nakaligis sa magtiayong senior citizen.
RadyoMaN Erin Lumosbog
