Davao City – Usa ka driver sa prime mover truck ang midangop buhatan sa Tugbok tungod nabuak iyang winshield sa mga bato nga nanglupad nga gigamit nga armas sa grupo sa mga kabataan nga nag riot karon lamang kadlawon.
Complainant mao si Alpe Balaba Valmoria, 31 anyos.
Sumala pa niini, bandang alas 3 karon lang kadlawon nagbiyahe kini gikan Ulas padulong Calinan, nakita niya ang duha ka mga grupo sa mga kabatan onan nga nag riot tunga sa dalan sa may UM Guinga Tugbok ning siyudad hinungdan sa pagkaigo ug pagkabuak sa windshield sa iyang sakyanan.
Human sa mga panghitabo dali misibat sa wala matino nga direksyun ang mga kabatan onan, samtang igo na lang usab sa pagpatala ang driver sa buhatan sa kapolisan ug ginasuta pa ang kantidad nga na damage gikan sa iyang sakyanan.
RadyoMaN Paul Canono
