Davao City – Nagkita na gayud ug naglamanuhay sila si US President Donald Trump ug North Korea leader Kim Jong-Un atol sa historic US-North Korea Summit nahitabo sa Capella Hotel sa Sentosa Island, Singapore karong adlawa.
Tumong sa maong summit nga awhagon ang North Korean lider nga undangon ang Nuclear Weapon Programs niini.
Sa nagapadayong panagtagbo, dako ang papel nui Dennis Rodman, kanhing NBA player, kinsa gina-idolo ingon man amigo sa duha ka mga leader diin siya ang niduso sa ideya ngadto sa duruha ka mga lideres sa kalibutan sa isyung nuclear weapons.
Sa interbyu kang Rodman, gibutyag niini nga nakadawat kini og mga death threats gumikan sa iyang giduso nga peace settlement sa America ug North Korea apan wala kini nagpatandog ug desididong mahinayon ang panagtagbo nila ni Trump ug Kim.
Kahinumdoman nga kini ang unang higayon sulod sa 70 anyos nga walay maayong relasyon ang duruha ka mga nasud ilabi na sa dihang niulbo ang Korean War niadtong 1950s.
RadyoMaN Jason Amisola
