Tseke nga nagbalor sa 150,000 ug 100,000 pesos, nadawat sa tulo ka coop sa Mis.Or

Tulo ka mga kooperatiba sa Misamis Oriental ang nahatagan sa pinansyal nga ayuda pinaagi sa tseke gikan sa provincial government.

Ang tulo ka mga kooperatiba gilangkoban sa Aplaya, Jasaan Coconut Farmers Multi-Purpose Cooperative, Casinglot, Tagoloan Motorsikad Operators and Drivers Multi-Purpose Cooperative ug ang Danao Jasaan Samahang Nayon Credit Cooperative.

Nadawat sa Aplaya, Jasaan Coconut Farmers Multi-Purpose Cooperative ang tseke nga nagkantidad sa 150-mil pesos.

Samtang, Dunay tag 100-mil pesos nga balor sa tseke ang nadawat sa Casinglot, Tagoloan Motorsikad Operators and Drivers Multi-Purpose Cooperative ug Danao Jasaan Samahang Nayon Credit Cooperative.