Davao City- Sentro sa 4th Quarter Nationwide Simultaneous Earthquake Drill (NSED) gahapong adlawa ang pagtuki sa kung paunsa mamahimong alerto ug unsa ba ang mga angay ug dili angay buhaton kung ugaling aduna’y mahitabong tsunami atol o human sa pagtay-og.
Sa impormasyon nga gipadala sa DXDC RMN Davao gikan sa Office of the Civil Defense (OCD) XI, malampusong gilusad ang maong aktibidad diin dungan nag DUCK, COVER, AND HOLD ang mga partisipante bandang alas 9 sa buntag.
Gipahigayon sa Barangay Buguis, Jose Abad Santos, Davao Occidental ang Regional Ceremonial Pressing of Button.
Kanunay pahimangno sa OCD XI ug Regional Disaster Risk Reduction and Management Office (RDRRMO) nga timan-an ang mga pahimangno sa otoridad panahon sa kalamidad aron dili mabutang sa risgo ang kaugalingon ug kinabuhi sa pamilya.
RadyoMaN Ivy Parido
Facebook Comments
