Tsuper de habal victima de Carnap, irido

14

Ya salva na muerte el un habal-habal driver despues el su mismo pasahero ya saha su cara y ya saca su motor na Sitio Tala, Boalan enantes madrogada.
El victima amo si Darwin Sayaji Asaral, 43, casao de Tetuan.
Asegun con el pulis ya pipina pasahero si Asaral na Plaza Pershing serca man alas dos del aga quien ya manda lleva conele na Tala, Boalan.
Pero cuando ya llega sila na lugar y mientras ta corre el motor derepente ya aranca Batangas cuchilyo y ya saha era el fescueso del victima.
Ya puede agacha el victima donde ta sale sahaw su esquierda Carrillo.
Para salva el victima ya ase este tumba con el motor y ya entabla este y tiene conele quien ya ausilia y ya lleva na hospital.
Mientras el suspechao ya maneha consu motor.
Pero ya sapa el cadena del motor y ya abandona con este el suspechao serca lang na lugar del incidente.

Facebook Comments

From Advertisers