Davao City – Gipasusi sa lokal nga panggamhanan ang tanang tents sa Tent City ug mga COVID-19 facilities.
Gibutyag ni Davao COVID-19 Response Cluster manager ug City Disaster Risk Reduction Management Office head Alfredo Baluran, nakig-alayon siya sa City Engineers Office (CEO) aron ipaabot usab sa Department of Public Works and Highways (DPWH), aron masiguro ang safety sa tanang mga Temporary Treatment and Monitoring Facilities ug Quarantine facilities.
Segun ni Baluran, tumong niini aron dili na masubli pa ang electrocution incident diin usa ang namatay ug usa ang naangol nga mga frontliners sulod sa Davao International Airport.
“Ang akong instruction nga tan-awon tanang mga tents pati na ang mga facilities. Ipa-revisit sa taga-City Engineers ug tana-awon ang stability sa structures,” sumala niini.
Nagpahimangno si Baluran sa tanang mga personaheng nagbantay ug na-asign sa mga TTMFs sa dakbayan nga unahon ang ilang mga safety una moresponde sa mga concerns sa ilang area of responsibility.
RadyoMan Aimee Guinita
