Moabot ngadto sa 100 ka mga pamilya nga kanhi survivors sa bagyong “Sendong” ang nag-antos karon sa kawad-on sa supply sa tubig.. Mao kini ang mga residente sa Oro Habitat Relocation Site sa may Sitio Cala-anan, Brgy. Canitoan ning syudad.
Matud pa sa mga residente sa maong dapit nga gumikan niini sa silingan relocation site na lamang sila mopalit ug tubig nga tag P10 ang kada container. Ang maong pagputol nahitabo matud pa tungod sa pag expire na sa kontrata tali sa COWD kun Cagayan de Oro Water District ug sa city hall.
Dugang pa sa mga residente nga kalit lang kuno giputol ang lang panubig ug mas mayo kuno unta kung gihatagan pa sila ug pahimangno saw ala pa kini giimplementar. Apektado matud pa sa maong pagputol ang block three,four, five ug six sa Oro Habitat Relocation Site.
Samtang matud pa sa COWD spokesperson nga si Ladelle Sagrado, ila pa kunong lilion ug imbistagahan ang maong hitabo. Dugang pa usab niini nga dugay na usab kuno silang nagpahimangno sa mga residente sa maong lugar sa pagbaton sa tagsa tagsa ka kaugalingong koneksyon ug dili hangtod hangtod nga magsalig na lang sa city hall.
