Pormal karon nga nangayo’g dispensa sa katawhan si Department of Transportation (DOTr) Secretary Arthur Tugade gumikan sa krisis sa air transportation sa dihang na-aksidente ang usaka eroplano sa Xiamen Air didto sa Ninoy Aquino International Airport (NAIA).
Sa pagbukas sa hearing sa Senate Committee on Public Services ilawom kang Sen. Grace Poe, gitin-aw ni Tugade nga ang airport paralysis makonsidera nga usaka insidenteng wala pangandoya o matagna sa mga airport authorities apan ang 36 oras nga krisis rasonable bunga sa kadelikado niadtong tungora.
“It took Thailand three days, Nepal two days…the US 24 hours during a Southwest Boeing plane incident…36 hours may not be fast enough in our case but reasonable enough given the circumstances..one wrong move, the plane loaded with fuel will explode,” pagpatino sa kalihim.
Ang NAIA crisis niresulta sa daghang kanseladong mga commercial flights, damyos sa atong nasudnong ekonomiya ug ang realisasyon nga ipatuman na ang Air Passenger Bill of Rights ingon man ang panginahanglan nga i-declog ang Manila airport facilities ngadto sa kaprobinsyahan sama sa Clark ug uban pang dakung kasyudaran nga mamahimong gamitong alternative flight venues.
RadyoMaN June Duterte
