Sa interview sa DXDC RMN Davao kang Police Captain Edmund Siarot, Deputy Chief sa Tugbok Police Station, gibutyag niini nga subay sa gihimong follow up investigation sa kapulisan nasayran nga fake news ang maong gipakatag nga impormasyon ug posibleng nasayup ang pagsabot sa usa ka ginikanan.
Segun ni Siarot, kung aduna may susamang insidente nga sayop mas maayo nga ila unang susihon sa presinto sa kapulisan una nila i-post sa social media aron dili magpanic ang katawhan.
“Amo lang gihangyo ang mga parents kung pwede, if ever nga naay mga susama nga insidente, kung pwede i-direct nila sa mga security clusters nato especially sa mga PNP. Mo direct sila para makakuha sila og insaktong information”,sulti ni Siarot.
Kahinumduman, usa ka ginikanan sa bata ang nagpost sa social media nga nag-viral kabahin sa giingong lalaking nagpakaaron-ingnong mosundo og estudyante nga matud pa gisugo sa inahan sa bata.
RadyoMaN Don Pulayao
