Parañaque City – Tukoy na ang pagkakakilanlan ng lalaking napatay sa hostage-taking incident sa Parañaque City kung saan sugatan naman ang limang biktima.
Nakilala ang nasawing suspek na si Celso Fernandez, 31-anyos, vendor, Tubong Daet, Camarines Norte at nakatira sa Lim Compound, Manggahan, Barangay San Dionisio, Parañaque City.
Sugatan naman sina Roma Tubiana, Rose Ann Dela Cruz, Jerwin Ursal, Kate Russell at Ody Tubiana, kapwa residente sa lugar.
Nabatid na hinostage ni Fernandez ang mga biktima at nadatnan na lang mga pulis na sinasaksak niya ito.
Dahil dito, napilitan ang mga pulis na paputukan si Fernandez na idineklarang dead on arrival sa ospital habang nasa mabuti ng kalagayan ang mga biktima.
Patuloy na iniimbestigahan ng mga otoridad ang motibo ng suspek sa naturang insidente.
