Tul-an sang napatay nga manugbulong, nasapwan sa nabukid nga bahin sang Sapian!

709

Sapian, Capiz – Positibo nga ginkilala sang iya pamilya ang tul-an sang isa ka persona nga nasapwan sa mabukid nga bahin sa boundary sang Damayan, Sapian kag Brgy Cabangila, Altavas, Aklan.
Ini ang ginapanag-iyahan sang manugbulong ukon surhano nga ginkilala kay Maria Bella Abdula y Fegaroa, 53-anyos sang Sitio Agpasi Brgy Cabangila Altavas. Nakilala ini bangud man sa nakit-an nga bayo, kalo kag wagkos nga ginapanag-iyahan sang biktima.
Base sa impormasyon halin sa Sapian PNP, ginkakibot sang mag-abyan nga sanday Edwin Orale y dela Cruz kag Ricky Pojas y Almanon sang nakit-an sang mga ini ang amo nga tul-an sang napatay nga biktima.
Suno sa pamilya sini, bulan pa sang Enero 2019 ulihi nga nakit-an si Abdula sa diin ini ang naglakat agud nga magpangalap para sa iya pagpamulong.
Indi pa maathag kun ano ang matuod nga kabangdanan sang kamatayon sini.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers