Davao City – Laing drug pusher ang na-neutralisa sa kapolisan sa Sta. Ana human misukol atol sa gikasang buy-bust operation sa usa ka lodging house nahimutang sa Quezon Boulevard Brgy. 22-C siyuadad sa Davao.
Base sa report gikan sa Sta. Ana PNP, ang suspek naila nga si Mico Ferrer, 20 anyos, residente sa nahisgutang lugar.
Malampuson nga napalitan sa kapolisan ang suspek og usa ka pakete sa gituohang shabu apan sa dihang nakamatikod kini nga police ang iyang gikatransak rason nga mihulbot dayon sa iyang .38 kalibre sa pusil dayon ti-on ngadto sa mga police apan nawakli sa mga police ang iyang armas ug nakahukom ang awtoridad sa pagpusil sa suspek tumong sa likod nga bahin.
Daling gidala ang suspek sa Southern Philippines Medical Center (SPMC) apan gideklara nga dead on arrival pinaagi ni Dr. Verana Dee Marrie Gulle Familar.
Narekober sa kapolisan gikan sa suspek ang buy-bust money nga P1,000, tulo ka elongated heat sealed transparent plastic sachet, duha ka rectangular heat sealed transparent plastic sachet nga nagkantidad og P15,000.00 lakip ang usa ka unit sa cellular phone nga maoy gigamit sa suspek sa iligal nga transakyon.
Samtang ang patay’ng lawas sa suspek anaa pa sa morgue sa SPMC.
RadyoMaN Don Pulayao
